Бэнэдыкт XVI звярнуў
увагу на малавядомы бок творчасці Антонія Вівальдзі, якога ведаюць па “Чатырох сезонах”.
Значнае месца ў ёй займае духоўная і сакральная музыка. Яскравым прыкладам гэтага
з’яўляецца яго “Magnificat”. Менавіта гэты твор прагучаў 11 мая ў Ватыкане ў прысутнасці
Святога Айца. Канцэрт стаў падарункам італьянскага прэзідэнта Напалітала да 7 гадавіны
пантыфікату Бэнэдыкта XVI. “Magnificat” – песня Марыі – паказвае, што “Бог мае свой
“стыль”, які адрозніваецца ад чалавечага, бо Ён абірае бок апошніх, каб даць ім надзею”,
- адзначыў Пантыфік. На думку Святога Айца, “музыка Вівальдзі выказвае хвалу, радасць,
падзяку, а таксама захапленне Божым стварэннем, з незвычайным багаццем пачуццяў”.
Пантыфік звярнуўся да асобы і спадчыны яшчэ аднаго знакамітага кампазітара, Джузэпэ
Вердзі, творы якога “Stabat Mater” і “Te Deum” таксама прагучалі падчас канцэрту ў
Ватыкане. Паводле Папы, музыка італьянскага кампазітара адлюстроўвае істоту цярпення
пад крыжам, “яна нібыта ўбірае ў сябе словы, каб выказаць найбольш інтэнсіўным чынам
тое, што змяшчае шырокая гамма пачуццяў”. Бэнэдыкт XVI заўважыў, што да фінальнай
страфы твору, адчуваецца інтэнсіўная і магутная малітва да Бога аб тым, каб душа атрымала
хвалу Раю, “апошняга імкнення чалавецтва”.
У “Te Deum” Вердзі Папа бачыць не
столькі песню перамогі, колькі паслядоўнасць сітуацый: першапачатковага захаплення,
затым перапрашэння і, нарэшце, просьбы. Святы Айцец звярнуў увагу, што творы “Stabat
Mater” і “Te Deum” былі напісаны кампазітарам не для публікацыі, але выключна для
сябе. Больш таго, Вердзі жадаў, каб на яго пахаванні гучаў “Te Deum”.
Бэнэдыкт
XVI на заканчэнне падзякаваў Джорджа Напалітана і ўсім арганізатарам канцэрту, асаблівым
чынам дырыжору Рыкарда Муці, які кіраваў аркестрам і хорам Рымскай оперы. Пасля канцэрту
Пантыфік уручыў італьянскаму маэстра Вялікі рыцарскі крыж св. Грыгорыя Вялікага –
высокую папскую ўзнагароду, якая прызнаецца за выключныя заслугі перад Касцёлам.