Ֆրանսայի Նորընտիր Նախագահ ֆրանսուա Հոլլանտ Վերահաստատեց Հայոց Ցեղասպանութեան Ժխտումը
Պատժելու իր Յանձնառութիւնը։
Ֆրանսայի նորընտրի Նախագահ ֆրանսուա Հոլլանտ նամակ մը ղրկած է Փարիզի ՝՝Անատոլիա՝՝ մշակութային
կեդրոնի ղեկավար ՝՝ Հայոց Ցեղասպանութեան՝՝ ժխտումով յայտնի Տէմիր Օնկէր-ին եւ յայտնած
թէ ֆրանսայէն ներս Ցեղասպանութիւններու ժխտումը պատժելու մասին կարծիքը 2004էն ի վեր
չէ փոխուած։ Հոլլանտ միաժամանակ Օնկէր-ի յիշեցուցած թէ ինք թեր քուէարկած է ֆրանսայի
կողմէ ճանչցուած Ցեղասպանութիւններու ժխտումը պատժող օրինագծին։ ՝՝Սահմանադրական
Դատարանը մերժած է այդ օրինագիծը,սակայն ես կը պատրաստուիմ առաջարկել այսպիսի նոր օրինագիծ
մը որ Սահմանադրութեան ներհակ պիտի չըլլայ( նշած է նորընտիր Նախագահը)։ Հոլլանտ դիտել
տուած է նաեւ որ հաւատարիմ մնալով Հանրապետութեան արժէքներուն,ինք հետեւողական կերպով
պիտի սատարէ ժողովուրդներու միջեւ բարեկամութիւն հաստատելու ճիգերուն։ Անդրադառնալով
՝՝Թուրքիա-Եւրոմիութիւն՝՝ յարաբերութիւններուն, ֆրանսուա Հոլլանտ ընդգծած որ Եւրոմիութիւնը
միշտ հաւատարիմ է իր սկզբունքներուն,իսկ Թուրքիա եթէ կ՝ուզէ դառնալ Եւրոպական Ընտանիքի
անդամ,ապա ինք եւս պէտք է ընդունի արդիականացման ձգտումները։