Ուքրանիոյ վարչապետ Նիքոլայ Ազարովին արգիլուած է Մայիս 15-ին ժամանել Պրիւքսէլ ՝՝Ուքրանիա-Եւրոմիութիւն՝՝
նիստին մասնակցելու համար: Պատճառը` երկրի նախկին վարչապետ Եուլիա Տիմոշենքոյի շուրջ
ստեղծուած իրավիճակն է: Այս մասին յայտարարած է Եւրոմիութեան նախագահ Հերման Վան Ռօմբույ:
«Երբ
Ուքրանիոյ վարչապետը յայտնեց, որ կը փափաքի այցելել Պրիւքսէլ` մենք ըսինք, որ, չ'արժեր,
մնացէք տունը: Մենք Քիեւին յստակ քաղաքական ազդանշան տուած ենք` փոխել ներքաղաքական իրավիճակը:
Երկրին մէջ 2004-ին ժողովրդավարութիւն կար եւ երկիրը պէտք է վերադառնայ պետութեան ժողովրդավարական
օրինակին», ( ըսած է Վան Ռօմբույ Euronews-ին տուած իր հարցազրոյցին ընթացքին) : Քիեւի
եւ Պրիւսքէլի յարաբերութիւնները վերջերս վատացած էին Ուքրանիոյ նախկին վարչապետ Եուլիա
Տիմոշենքոյին 7 տարուան ազատազրկման դատապարտումէն ետք: Եւրոմիութիւնը դատավճիռը քաղաքական
կը համարէ, բայց Քիեւ այս մեղադրանքը կը հերքէ: