Ամերիկեան ազդեցիկ ԹԱՅՄ թերթը ՝՝Վաճառուող Ատրպէյճան ՝՝ խորագրեալ ընդարձակ յօդուածով
մը անդրադարձած է Ատրպէյճանի հասարակական-քաղաքական կեանքին,ժողովրդավարութեան վիճակին,՝՝Էուրովիզիոն՝՝-ի
նախապատրաստութեան,մերկացնելով այսպէս Ատրպէյճանի իշխանութիւնները։ Թերթը նշած է
որ մինչ ՝՝Էուրովիզիոն 2012՝՝-ը Պաքուի մէջ կատարելու որոշումը ներկայացուած էր ՝՝Իբրեւ
Յաղթանակ՝՝ այժմ այս մրցումը վերածուած է ՝՝գլխացաւի՝՝ իշխանութիւններուն համար։ Ատրպէյճանի
հասցէին միջազգային կարգ մը կազմակերպութիւններու քննադատութիւնները նշելէ ետք Ամերիկեան
ԹԱՅՄ թերթը կ՝աւելցնէ թէ Ատրպէյճան անունը սկսած է հոմանիշ դառնալ ՝՝զեղծարարութեանց՝՝
՝՝մենատիրութեան՝՝ եւ ՝՝այլախոհներու հալածանքի՝՝։ Թերթը նաեւ դիտել տուած է որ Ատրպէյճան
հարիւրաւոր միլիոն տոլարներ կը ծախսէ Լոպիական հիմնարկներ վարձելու համար որպէսզի իր
միջազգային ՝՝ վարկը՝՝ բարելաւէ։ ՝՝Էուրիովիզիոն՝՝ ի Մրցումը կազմակերպելու որոշումը
նովին գործով ոչնչացուցած է Ատրպէյճանի Իշխանութեան արդէն իսկ դժուարութեամբ պահպանուած
՝՝հեղինակութիւնը՝՝ կ՝եզրակացնէ ԹԱՅՄ թերթը։