Карыднал Цімаці Долан,
старшыня Канферэнцыі Біскупаў ЗША, выступіў з рэзкай крытыкай у сувязі з заявай Барака
Абамы спрыяць легалізацыі ў краіне аднаполых саюзаў. У сваёй заяве іерарх нагадаў,
што епіскапат ЗША раней выказаў гатоўнасць падтрымаць усе намаганні цяперашняй адміністрацыі
на карысць сям’і і сужэнства. “Аднак мы не можам маўчаць адносна выказванняў і дзеянняў,
якія падрываюць інстытут сужэнства – краевугольны камень нашага грамадства. Наш народ
і асабліва нашыя дзеці заслугоўваюць лепшай долі”, - сказаў арцыбіскуп Нью-Ёркскі.
Старшыня
епіскапата падкрэсліў, што выказванні Абамы яго не здзіўляюць, бо Адмінітсрацыя прэзідэнта
працягвае прасоўваць рашэнні, якія наносяць выключна шкоду або ігнаруюць адмысловы
сэнс сужэнскага саюза. “Я малюся штодзённа, каб Абама і яго адміністрацыя дзейнічалі
справядліва, каб падтрымлівалі і ахоўвалі сужэнства як саюз паміж мужчынам і жанчынай.
Мы ўсе павінны імкнуцца падтрымліваць і ахоўваць сужэнства і праз гэта спрыялі сапраўднаму
дабру ўсіх людзей”, - заключыў кардынал Долан.