Një mendim për Virgjërën Mari, në muajin maj: Maria e Shpirti Shenjt
Maria nuk mund të kuptohet pa Shpirtin Shenjt. Lidhje tejet e ngushtë, e privilegjuar,
e pazgjidhshme, sepse feja e Marisë tërheq dhuratën e Shpirtit hyjnor. E gjithë
ngjarja e lindjes së Jezusit dhe e fëmijërisë së tij të parë udhëhiqet në mënyrë
pothuajse të dukshme nga Shpirti Shenjt, ndonëse nuk përmendet gjithnjë. Zemra e Marisë,
në përkim të plotë me atë të Birit hyjnor, është tempull i Shpirtit të së vërtetës,
ku çdo fjalë e çdo ngjarje ruhet me fe, me shpresë e me dashuri. Prej këndej,
në shkollën e Marisë edhe ne mësojmë ta njohim praninë e Shpirtit Shenjt në jetën
tonë, ta ndjejmë frymëzimin që vjen prej Tij e ta ndjekim përvujtërisht. Ai na bën
të rritemi, sipas natyrës së Krishtit, e na dhuron frytet e mira, që Shën Pali Apostull
i numëron në Letrën drejtuar Galatasve: “Dashurinë, gëzimin, paqen, shpirtmadhësinë,
dashamirësinë, butësinë, besnikërinë, përvujtërinë, vetësundimin (Gal 5,22).
Na i dhuron edhe me ndërmjetësinë e Virgjërës Mari".