Італьянскі іерарх: слова біскупа – эха пакут многіх людзей
“Слова біскупа – гэта
эха пакутаў многіх людзей”, - адзначыў Папскі вікарый для Рымскай дыяцэзіі кардынал
Агосціно Валіні. Іерарх заклікаў італьянскія ўлады да больш сацыяльна арыентаванай
эканамічнай палітыкі падчас св. Імшы ў рамках канферэнцыі “Сям’я ў часы інтэрнэта”,
якая праходзіла 6 мая ў Рыме. “Мы ўсе з’яўляемся свядомымі таго, які складаны перыяд
перажывае наша краіна ў сувязі з працяглым эканамічным крызісам. Яго наступствы цяжкія
для шматлікіх сем’яў і людзей менш забяспечаных, якія павялічваюць шэрагі бедных;
наступствы крызіса тычацца не толькі рэчаў першаснай важнасці, але таксама супакою
ў сямейных адносінаў”, - адзначыў кардынал Валіні.
Іерарх падкрэсліў таксама,
што Касцёл “з павагай адносіцца да строгасці і справядлівасці, якія кіруюць дзейнасцю
ўрада” і ведае аб цяжкасці працы звязанай з “аздараўленнем” эканомікі, але заклікае
таксама да “змагання з непатрэбнымі расходамі і да адмены прывілегій” якія яшчэ існуюць
для некаторых людзей. “Гэта канешне не наша заданне прапаноўваць шляхі вырашэння праблем.
Слова біскупа – гэта эха пакутаў многіх людзей. Яно абараняе іх фундаментальныя правы
і з’яўляецца заклікам імкнуцца да супольнага дабра з неабходнай увагай тых хто кіруе,
да тых хто знаходзіцца ў найгоршай сітуацыі”, - адзначыў кардынал Валіні.