Në Serbi, u mbajtën dje zgjedhjet parlamentare dhe presidenciale. Mesa duket pretendentët
kryesorë për postin e presidentit do të shkojnë në ballotazh. Boris Tadiç, kandidati
pro-evropian, mori 24,81% të votave, ndërsa rivali i tij, Tomislav Nikoliç, 24,71%.
Turni i dytë i votimeve do të zhvillohet më 20 maj. Si parti, ajo e Nikoliçit ka fituar
73 vende në parlament, ndërsa ajo e Tadiçit vetëm 68. Në krahasim me katër vjet më
parë, përqindja e votuesve është ulur me 1,3%. Kutive të votimit iu afruan 60% e zgjedhësve.
Edhe serbët e Kosovës votuan nën mbikqyrjen e OSBE-së, por skedat do të numërohen
jashtë kufijve të vendit në Rashka e Vranje, në jug të Serbisë.