Պենետիկտոս ԺԶ Սրբազան Քահանայապետին Գործունէութիւնը

Շաբաթ 5 մայիս 2012-ի՝ առաւօտեան ժամը 11-ին, Պենետիկտոս ԺԶ Սրբազան Քահանայապետը ընդունեց Ալպանիայի Հանրապետութեան Նախագահը՝ Պամիր Թոփի, անոր կողակիցը եւ շքախումբը։ 55-ամեայ նախագահ՝ Պամիր Թոփի, որ հինգ տարիէ իր վեր Ալպանիայի նախագահն է, Պենետիկտոս ԺԶ Սրբազան Քահանայապետի կողմէ առաջին անգամ ընդունուած էր 2007-ի դեկտեմբեր 6ին։ Նորին Սրբութիւնը ապա ժամը 11.30ին ընդունեց Միացեալ Նահանգներու 10 եպիսկոպոսներ՝ որոնք Հռոմ կը գտնուին իրենց հնգամեայ կանոնական այցելութիւնը կատարելու Սուրբ Պետրոսի յաջորդին։
Ժամը 12ին Պենետիկտոս ԺԶ ընդունեց Նոր Կինվէի առաքելական նուիրակը՝ գերապայծառ Սանդօ Կանճէմի ու անոր ընտանեկան պարագաները.
Իսկ յետ միջօրէին՝ Սրբազան Հայրը ընդունեց եպիսկոպոսներու Ժողովի կառավարիչ՝ գերապայծառ Մարք Ուելլէն։