Святы Айцец прыняў на аўдыенцыі Прэзідэнта Албаніі
5 мая Бэнэдыкт ХVI
прыняў на аўдыенцыі Прэзідэнта Албаніі Баміра Топі. Падчас сустрэчы была нададзена
вялікая ўвага імкенню Албаніі да поўнай інтэграцыі ў Еўрапейскі Саюз, а таксама абмеркаваны
адносіны паміж Каталіцкім Касцёлам і дзяржаўнымі ўладамі ў гэтай краіне. У паведамленні
Залі Друку Апостальскай Сталіцы адзначаецца, што сустрэча прайшла ў вельмі сардэчнай
атмасферы, падчас якой былі падкрэслены добрыя адносіны паміж Апостальскай Сталіцай
і Рэспублікай Албанія, праблемы міжрэлігійнага дыялога і ўклад Каталіцкага Касцёла
ў развіццё адукацыйнай і сацыяльнай сфер. У паведамленні Залі Друку адзначаецца ,
што Папа і прэзідэнт абмеркавалі таксама палітычную сітуацыю ў свеце, якая склалася
ў сувязі з эканамічным крызісам.
Пасля сустрэчы з Папам Бамір Топі сустрэўся
з кардыналам Дзяржсакратаром Тарчызіо Бэртонэ і арцыбіскупам Дамінікам Мамбэрці, сакратаром
па справах адносін Апостальскай Сталіцы з дзяржавамі.