Ардынарый амерыканскай
дыяцэзіі Камден, біскуп Ёзэф Галант назваў “трывожнымі” вынікі апытання на тэму рэлігійных
ведаў сярод католікаў штату Нью -Джэрзі. Даследаванне паказала, што 60% рэспандэнтаў
- практыкуючых католікаў лічыць, насуперак навучанню Касцёла, што Езус падчас
зямнога жыцця грашыў. Біскуп адзначыў, што гэта лічба выклікае трывогу. “Мы павінны
засяродзіцца над тым, як мы навучаем і інфармуем людзей. Езус з’яўляецца фундаментам
нашай каталіцкай ідэнтычнасці”, - падкрэсліў іерарх. Ён папярэдзіў аб тым, што памылковае
разуменне дактрыны веры - гэта толькі частка праблем, якія паказала даследаванне.
Акрамя
таго іерарх адзначыў, што ў св. Імшы ў суботы і нядзелі прымае ўдзел малая колькасць
вернікаў, а ў парафіях дыяцэзіі адсутнічае сяброўская атмасфера. “Спартыўныя заняткі,
абвязкі на працы і ў школе - асноўныя прычыны адсутнасці католікаў на нядзельных Літургіях”,
- адзначыў біскуп Галант.
З даследавання вынікае, што 80% апытаных назвалі
сябе хрысціянамі, адна трэцяя з іх назвалі сябе католікамі. 30% назвалі сябе пратэстантамі,
а астанія не атаясамліваюць сябе з ніякай хрысціянскай канфесіяй.