Punimet e Konferencës Ipeshkvnore Katolike të Shqipërisë
Nga data 2 deri më 4 maj, ipeshkvijtë Katolikë të Shqipërisë janë mbledhur në Tiranë
për Asamblenë e tyre të 28-të. Në këtë takim prelatët po diskutojnë për çështje të
ndryshme të Kishës Katolike në Shqipëri dhe për sfidat e saj në shoqërinë aktuale.
Pardje, u zgjodh Kryetari i ri i Konferencës Ipeshkvnore, i cili është kryeipeshkvi
metropolit i Shkodër-Pultit, imzot Angelo Massafra, që zëvendëson kështu, kryeipeshkvin
metropolit të Tiranë-Durrësit, imzot Rrok Mirditën, në përfundim të mandatit të dytë
në krye të ipeshkvijve shqiptarë. Në detyrën e Zv.kryetarit u zgjodh ipeshkvi i Sapës,
imzot Lucjan Avgustini, ndërsa Sekretar i Përgjithshëm u zgjodh ipeshkvi ndihmës i
Tiranë-Durrësit, imzot George Frendo O.P. Ipeshkvijtë katolikë do t’i drejtohen
kombit me një letër për 100-vjetorin e Pavarësisë së Shqipërisë, po diskutojnë për
botimin e Mesharit të ri në shqip e për marrëdhëniet me mediat. Për këto e për hollësira
të tjera, na flet nga Tirana, zëdhënësi i Konferencës Ipeshkvnore, don Gjergj Meta…