Патрыярху Барталамею
І была прысуджана прэмія “Four Freedom Awards”, “за асаблівыя намаганні на карысць
рэлігійнай свабоды і прысвячэнне ў справу дыялога і прымірэння паміж хрысціянамі,
мусульманамі і яўрэямі, якую ён пачаў разам з папай Янам Паўлам ІІ”. Гэта прэмія ўручаецца
кожны год людзям, якія зрабілі вялікі ўклад у пашырэнне свабодаў абвешчаных фундаментальнымі
для дэмакратыі прэзідэнтам ЗША Франклінам Рузвельтам у 1941 г.: свабода слова, свабода
веравызнання, свабода ад патрэбаў і свабода ад страху. Прэмія будзе ўручана іерарху
12 мая ў галандскім мястэчку Мідлбург. На цырымоніі будзе прысутнічаць каралева Нідэрландаў
Беатрыс і прэм’ер-міністр гэтай краіны Марк Рутэ. “Штодзённыя намаганні на карысць
рэлігійнай свабоды не толькі ў Турцыі, але ва ўсёй Цэнтральнай Еўропе, характарызуюць
Патрыярха Барталамея І як аднаго з галоўных дзеячаў на міжнароднай арэне, які цалкам
прысвяціў сябе значэнню і рэалізацыі чатырох свабод”, - адзначае сённяшняя “L’Osservatore
Romano”. У дакуменце, у якім абвяшчаецца аб уручэнні прэстыжнай прэміі Патрыярху Барталамею
І узгадваецца таксама яго клопат аб навакольным асяродзі, дзякуючы якому яго называюць
“Зялёным Патрыярхам”.
Падкрэсліваецца таксама асаблівы ўклад Патрыярха Барталамея
І у спрыянне прымірэнню паміж праваслаўнымі, католікамі і мусульманамі ў былой Югаславіі
ў 1990-я г, яго прыхільнасць да развіцця міжрэлігійнага тэалагічнага дыялога і падтрымка
праваслаўных народаў з былога сацыялістычнага лагера.
Сярод лаўрэатаў прэміі
“Four Freedom Awards” таксама значацца бразільскі прэзідэнт Луіс Інасіў Лулу дэ Сілва,
арабскі тэлеканал “Аль Джазіра”, індыйская праваабаронца Эла Рамеш Бхат і намеснік
міністра энэргетыкі Ірака Хуссэйн аль Шахрыстані.