Паўднёвая Карэя: біскупы заклікаюць да аховы навакольнага асяроддзя

Біскупы Паўднёвай Карэі заклікаюць вернікаў больш уважліва адносіцца да навакольнага асяродзя. З гэтай мэтай імі быў падрыхтаваны кароткі даведнік у якім у сінтэтычнай форме прадстаўлена каталіцкае навучанне адносна гэтай сферы: ад дакументаў ІІ Ватыканскага Сабора да апошніх прамоваў Бэнэдыкта XVI. У выданні падкрэсліваецца, што эканамічны і фінансавы крызіс, што закрануў людзей, “прычыняе вялікую шкоду прыродзе, якая адчувае боль выкліканы развіццём без абмежаванняў і злоўжываннем прыроднымі рэсурсамі”. Звяртаецца ўвага на прыклад св. Францішка Асізскага, які акрамя таго, што быў апосталам беднасці і пакоры, шануецца таксама як прыклад маральнасці і абаронца навакольнага асяродзя.

Карэйскія іерархі звяртаюць увагу на тое, што выклікаюць забруджанне экалогіі самі людзі, якія часта з’яўляюцца рабамі эканомікі, прагі валодання і гэданізма. “Гэтыя феномены ёсць нічым іншым, як нашымі грахамі” – адзначаюць біскупы. Паводле іх экалагічныя праблемы нараджаюцца “з адмаўлення ад адказнасці”. Іерархі заклікаюць вернікаў стаць “абаронцамі Божага стварэння і усіх стварэнняў, якіх ён любіць”.