“L’Osservatore Romano” аб Эўхарычтычным Кангрэсе ў 1932 г.
Сённяшняя “L’Osservatore
Romano” нагадвае аб Эўхарыстычным Кангрэсе, які праходзіў у ірландскім Дубліне ў 1932
г. і падкрэслівае яго прамую сувязь з Кангрэсам, які адбудзецца ў гэтым горадзе 10-17
чэрвеня 2012 г. “Гэта дзве важныя падзеі ў гісторыі каталіцкай супольнасці Ірландыі”,
- адзначае выданне. Падкрэсліваецца, што для таго, каб узгадаць аб спадчыне, якую
пакінуў Кангрэс 1932 г. ў Дубліне адбылася спецыяльная канферэнцыя, у якой прыняло
ўдзел больш за 100 асоб, якія 80 гадоў таму былі сведкамі гэтага форума.
“З
нагоды Кангрэса горад быў упрыгожаны, а ноччу ўсе ўстановы былі асветлены на працягу
усяго часу прац кангрэса. Глыбокая рэлігійнасць ірландцаў вельмі ўразіла шматлікіх
біскупаў і замежных гасцей”, - адзначае газета. У артыкуле падкрэсліваецца, што кангрэсам
жыла ўся краіна, што паспрыяла ўмацаванню яе адзінства.
“Кангрэс даў магчымасць
Ірландыі, якая толькі што атрымала незалежнасць пасля доўгіх падзелаў і канфліктаў
засведчыць перад усім светам аб сваім адзінстве”, - падкрэслівае выданне. Газета таксама
адзначае, што ў кангрэсе прымалі ўдзел знакаміты ірландскі тэнар Джон МакКормак, які
спяваў падчас св. Імшы, будучы прэм’ер-міністр краіны Ліам Косгрэйв, сын Уільяма Косгрэйва,
першага прэзідэнта незалежнай Ірландыі. “Такая вялікая колькасць асобаў аб’яднаных
надзвычайнай падзеяй, якой быў Эўхарыстычны Кангрэс, паспрыяла выдатнаму меркаванню
пра новую ірландскую дзяржаву”, - адзначае “L’Osservatore Romano”.