Հայր ֆետերիքօ Լոմպարտիի Շաբաթական Խմբագրականը Ձեզի ու նաեւ Շատերուն։
Ռատիովատիկանի ընդհանուր տնօրէն Հայր ֆետերիքօ Լոմպարտիի այս շաբթուայ խմբագրականը նուիրուած
է Սրբազան Քահանայապետի Գերմանացի եպիսկոպոսներուն ուղղած նամակին որ Նորին Սրբութիւնը
գրած էր Գասթելկանտոլֆոյի մէջ` յետ սուրբ Զատկուայ անցուցած հանգստեան շրջանի ընթացքին։
Սրբազան Հայրը նամակին մէջ կ՛անդրադառնայ սուրբ Պատարգի ընթացքին արեան բաժակի նուիրաբերումի
գերմաներէն լեզուի թարգմանութեան ու կ՛ընդգծէ թէ հոն գործածուած <<շատերուն>> բառին տեղ,
որ հաւատարիմ թարգմանութիւնն է Աստուածաշունջին, նախընտրելի է գործածել <<բոլորին>>
բառը որ աւելի յստակօրէն կը համապատասխանէ Քրիստոսի Փրկչագործ պատգամին։ Սրբազան Քահանայապետը
այս նկատողութեամբ կ՛ուզէ հաստատել թէ Յիսուս մեռաւ <<բոլորին համար>> եւ ամէն մէկ քրիստոնայ
պարտական է այս իրողութիւնը լաւագոյն ցեւով բացատրելու։ Աստուծոյ խօսքին հանդէպ սիրոյ
եւ յարգանքի դաս մըն է այս - կը գրէ հայր Լոմպարտին - .Աստուածաբանական եւ հոգեւոր բարձրորակ
եւ էական խորհրդածութիւն մը որպէսզի աւելի խոր կերպով հասկնանք ու ապրինք Սուրբ Հաղորդութեան
խորհուրդը։