Յարձակում Սուրիոյ Կեդրոնական Դրամատան Վրայ։ Պայթումներ նաեւ Իտլիպ-ի մէջ,20 Զոհեր։
Սուրիա Ժամանած՝ ՄԱԿ-ի Այլ Դիտորդներ։ Սուրիոյ Մէջ Դիտորդական Առաքելութեան Ղեկավար Նշանակուած
Նորվեկիացի Զօրավար Ռոպերթ Մուտ։
Սուրիոյ մայրաքաղաք Դամասկոսի մէջ իրարու յաջորդող մի քանի ուժգին պայթումներ տեղի ունեցան
այսօր թիրախ առնուելով մայրաքաղաքի Կեդրոնական Դրամատունը որ կը գտնուի Դամասկոսի
կեդրոնական մէկ թաղամասը: Սուրիոյ պետական հեռուստա-ընկերութեան տուեալներով` վիրաւորուած
են 4 ոստիկաններ : Սուրիացի ընդդիմադիրները տեղեկացուցած են, որ պայթումներ տեղի
ունեցած են նաեւ Իտլիպ քաղաքի հիւանդանոցներէն մէկուն մօտակայքը,խլելով 20 զոհեր, ինչպէս
նաեւ Համա քաղաքի կեդրոնի մէջ:Մինչ այդ ՄԱԿ-ի այե դիտորդները ժամանեցին Սուրիա բայց բռնութիւնները
չեն դադրիր։ Նիւ Եորքի մէջ ՄԱԿ-ի գլխաւոր քարտուղար Պան Քի Մուն Նորվեկիացի Զօրավար
Ռոպերթ Մուտը նշանակեց իբրեւ Սուրիոյ մէջ ՄԱԿ-ի դիտորդական առաքելութեան ղեկավար։ Զօրավար
Մուտ կը ղեկավարէ 300 դիտորդներէ կազմուած առաքելութիւնը: Դիտորդներու տեղակայումը Սուրիոյ
մէջ կը սկսի այսօր երեք ամսուայ ժամկէտով: