Հայաստանի Մէջ Միացեալ Նահանգներու Եւ Ռուսիոյ Դեսպանները Այցելեցին Ծիծեռնակաբերդ :
Հայաստանի մէջ Միացեալ Նահանգներու դեսպան Ճոն Հեֆըրն, ի շարս Հայաստանի մէջ հաւատարմագրուած
այլ դիւանագիտական ներկայացուցչութիւններու ղեկավարներու, այցելեց Ծիծեռնակաբերդ եւ իր
յարգանքի տուրքը մատոյց Հայոց Ցեղասպանութեան անմեղ զոհերու յիշատակին: Լրագրողներուն
հետ ունեցած զրոյցին ընթացքին ան ըսաւ. «Հայերուն համար այսօր շատ կարեւոր օր է, եւ մենք
հոս ենք` ոգեկոչելու 1915 թուականի հայերու ջարդերուն յիշատակը»: Արդարեւ, դեսպանը
խուսափեցաւ Հայոց Ցեղասպանութեան եզրը օգտագործելէ:
Հայաստանի մէջ Ռուսիոյ դեսպան
Վեաչեսլաւ Քովալենքո-ն եւս այցելեց Ծիծեռնակաբերդ եւ յարգեց մէկուկէս միլիոն նահատակներուն
յիշատակը: Ապա ան յայտարարեց, որ ամբողջ աշխարհը պէտք է ճանչնայ Հայոց Ցեղասպանութիւնը:
Ան դիտել տուաւ, որ Հայոց Ցեղասպանութեան ժխտումը պէտք է խստօրէն դատապարտուի, մարդկութիւնը
պէտք է ամէն ինչ ընէ, որպէսզի նման ոճիրներ չկրկնուին: