Візіт Святога Айца
ў італьянскую дыяцэзію Арэцца-Вэрна-Сансэполькра 13 мая 2012 г., хоць працягнецца
толькі адзін дзень, адзначыцца шматлікімі мерапрыемствамі і сутрэчамі. Аб гэтым стала
вядома 25 красавіка з апублікаванай праграмы візіту. Ён пачнецца св. Імшой у 10.00
у гарадскім парку Арэцца, падчас якой Святы Айцец прамовіць гамілію. Пасля завяршэння
Эўхарыстыі, Папа коратка наведае мясцовы катэдральны касцёл, а затым скіруецца на
сняданне з біскупамі тасканскага рэгіёну. У 17.00 Пантыфік на верталёце перамесціцца
ў горад Вэрна, дзе наведае мясцовы санктуарый, у якім падзеліцца сваімі разважаннямі
з сабранымі там законнікамі і законніцамі. Ужо ў 18.45 Папа накіруецца ў горад Сансэполькра,
дзе наведае конкатэдру і сустрэнецца з мясцовымі жыхарамі на гарадской плошчы. На
20.15 запланавана вяртанне Святога Айца ў Ватыкан.