Бэнэдыкт ХVI стварыў камісію па высвятленні ўцечак інфармацыі
25 красавіка Зала
Друку Апостальскай Сталіцы паінфармавала, што Бэнэдыкт ХVI вырашыў стварыць спецыяльную
кардынальскую камісію па высвятленні інцыдэнтаў з уцечкамі і апублікаваннем тайных
дакументаў Апостальскай Сталіцы ў СМІ. Да заданняў гэтага органа належыць правядзенне
“аўтарытэтнага расследавання” з мэтай высветліць падзеі. Справа датычыць дакументаў
рознага тыпу і важнасці, перш за ўсё аб эканамічнай дзейнасці Губернатарата, а таксама
прававых і нарматыхных актаў Апостальскай Сталіцы.
Зала Друку паведаміла, што
Святы Айцец вырашыў прызначыць членамі Камісіі, якая будзе мець папскі мандат на ўсіх
узроўнях, кардынала Ёзэфа Томку, былога прэфекта Кангрэгацыі Евангелізацыі Народаў
і кардынала Сальваротэ дэ Джорджы, арцыбіскупа Палерма на пенсіі. Кіраўніком Святы
Айцец прызначыў кардынала Хуліяна Эрранса, былога старшыню Папскай рады па інтэрпрэтацыі
заканадаўчых тэкстаў.
Паведамляецца, што Камісія ўжо збіралася 24 красавіа,
з мэтай вызначыць метады і план дзейнасці.