Будучыня Еўропы вачамі найбліжэйшага супрацоўніка Папы
Нягледзячы на тое,
што валютны, фінансавы і эканамічны саюз грае важнае значэнне, не можна будаваць будучыню
Еўропы выключна на ім; трэба зрабіць стаўку на чалавека і звышнатуральныя вартасці,
якія на працягу стагоддзяў фарміравалі наш кантынент. Гэта адзначыў кардынал Дзяржсакратар
Тарчызіо Бэртонэ падчас выступлення 21 красавіка ў Катандзаро, на поўдні Італіі, з
нагоды надання яму мясцовым універсітэтам ступені ганаровага доктара.
“Грамадства,
як касцёльнае, так і палітычнае служаць чалавеку новай Еўропы. Такім чынам, хрысціяне,
павінны быць на пярэднім краі барацьбы за агульнае дабро”, - сказаў кардынал, разважаючы
над будучыняй аб’яднанай Еўропы. Ён адзначыў, што асаблівым выклікам з’яўляецца неаддзяленне
палітыкі і эканомікі ад этычных каштоўнасцяў. Ён адзначыў, што праца на карысць чалавека
павінна перамагчы над утылітарнай палітыкай службы інтарэсам нямногіх.
Гаворачы
аб выкліках, якія прыносіць Еўропе глабалізацыя і рост эміграцыі, кардынал Дзяржсакратар
нагадаў аб такіх каштоўнасцях, як гасціннасць і салідарнасць. Ён прапанаваў больш
цеснае супрацоўніцтва паміж касцёльнымі і свецкімі ўстановамі на карысць чалавека.
Акрамя таго, іерарх падкрэсліў неабходнасць большай прысутнасці хрысціян у палітычным
і грамадскім жыцці Еўропы.