20 ഏപ്രില് 2012, റോം വനോദസഞ്ചാരം അജപാലന ശുശ്രൂഷയുടെ ഭാഗമാക്കേണ്ടതാണെന്ന്, പ്രവാസി
കാര്യങ്ങള്ക്കായുള്ള പൊന്തിഫിക്കല് കൗണ്സിലിന്റെ പ്രസിഡന്റ്, കര്ദ്ദിനാള് അന്തോണിയോ
മരിയ വേലിയോ പ്രസ്താവിച്ചു. ഏപ്രില് 23 മുതല് 27-വരെ മെക്സിക്കോയില് അരങ്ങേറുന്ന
വിനോദസഞ്ചാര ശുശ്രൂഷയെ സംബന്ധിച്ച 7-ാമത് അന്തര്ദേശീയ സമ്മേളനത്തെക്കുറിച്ചു വത്തിക്കാന്
റേഡിയോയ്ക്കു നല്കിയ അഭിമുഖത്തിലാണ് കര്ദ്ദിനാള് വേലിയോ ഇപ്രകാരം പ്രസ്താവിച്ചത്. മാനുഷിക
കൂട്ടായ്മയുടേയും നന്മയുടേയും സാംസ്കാരിക മേഖലായാക്കി വിനോദസഞ്ചാരത്തെ വളര്ത്തുവാന്
പ്രാദേശിക സഭകള് ശരിയായ ലക്ഷൃത്തോടും അറിവോടുംകൂടെ ഈ മേഖലയിലേയ്ക്ക് കടന്നുവരണമെന്നും
കര്ദ്ദിനാള് വേലിയോ അഭിപ്രായപ്പെട്ടു.
ജീവിത യാഥാര്ത്ഥ്യങ്ങള് കൂടുതല് മനസിലാക്കുവാനും,
സംസ്കാരങ്ങളും അവരുടെ സൗന്ദര്യവും മൂല്യങ്ങളും ആസ്വദിക്കുവാനും, ന്യായമായി വിശ്രമിക്കുവാനുമുള്ള
മനുഷ്യാവകാശത്തിന്റെ പ്രകടമായ സാമൂഹ്യമാനമാണ് വിനോദസഞ്ചാരമെന്ന് കര്ദ്ദിനാള് വേലിയോ
വിശദമാക്കി.