Кс. Ламбардзі: пажаданні Папе на восьмы год пантыфікату
У сувязі з пачаткам
восьмага году пантыфіката Бэнэдыкта XVI, кс. Фэдэрыко Ламбардзі, дырэктар Ватыканскага
радыё і кіраўнік Залі Друку Апостальскай Сталіцы, заклікаў павіншаваць Папу і пажадаць
яму выканання яго жаданняў і вырашэння праблем, якія яго хвалююць. “Пажадаем яму ажыццявіць
дыялог з Братствам св. Пія Х, бо ён сам гэтага жадае, а значыць, пераадолець балючы
падзел і не дапусціць, каб ён паглыбіўся”, - заявіў кс. Ламбардзі. “Жадаем яму, даць
пасланне любові і надзеі для сем’яў усяго свету ў сувязі з яго падарожжам у Мілан.
Жадаем, каб яго заклікі і запрашэнні да адзінства ў Касцёле, скіраваныя да некаторых
груп, былі выслуханы з павагай і увагай, а таксама, каб была зразумета іх важнасць”,
- заклікаў езуіт. Ён заахвоціў пажадаць Папе, каб Касцёл у Ірландыі, пасля крызісу,
звязанаму з сексуальнымі злачынствамі, з дапамогай Эўхарыстычнага кангрэса ў Дубліне,
працягваў залечваць раны і ачышчацца і “такім чынам здзейсніў сапраўднае служэнне
для ўсяго грамадства ў сферы абароны непаўналетніх”.
“Пажадаем, каб падарожжа
ў Ліван дало яму магчымасць скіраваць пасланне міра ў краіны, якія перажываюць драматычныя
канфлікты і пасланне падтрымкі для касцёльных супольнасцяў, якія перажываюць выпрабаванні.
Каб юбілей ІІ Ватыканскага Сабора стаў нагодай для адэкватнага і спакойнага разумення
яго эпахальнага паслання, “компаса для Касцёла нашага часу”, - заклікаў дырэктар Ватыканскага
радыё.
Кс. Ламбардзі ў сваё аўтарскай рубрыцы “Octava Dies” заклікаў пажадаць
Папе, каб Сінод аб новай евангелізацыі ўзбагаціў Касцёл крэатыўнасцю і запалам у выкананні
сваёй місіі, “каб Год веры не быў толькі нагодай для хвалебных ініцыятыў і прыгожых
цэлебрацый, але абнаўленнем глыбокіх адносін паміж вернікамі і Богам і Яго Сынам Езусам
Хрыстом, у кантэксце ўсё большага забыцця рэлігійнага вымярэння жыцця і чалавечага
шляху ў гісторыі”. “Пажадаем, каб ён падарыў нам апошнюю частку сваёй кнігі пра Езуса”,
- сказаў кс. Ламбардзі. Акрамя таго, езуіт заклікаў пажадаць Папе прыняць удзел у
Сусветных днях моладзі, якія пройдуць у Рыа дэ Жанейра ў 2013 г., “хоць яны адбудуцца
ўжо на дзевятым годзе пантыфіката”.