Бэнэдыкт XVI павіншаваў выкладчыкаў і студэнтаў Універсітэта Найсвяцейшага Сэрца ў
Мілане
Святы Айцец павінашаваў
выкладчыкаў і студэнтаў Універсітэта Найсвяцейшага Сэрца з нагоды 88 Дня ўніверсітэта.
Сёлета святкаванні ў Мілане носяць асабліва ўрачысты характар з нагоды беатыфікацыі
Джузэппэ Таніло, з чыім імем непарыўна звязана гісторыя навучальнай установы. Віншавальны
ліст на імя кардынала Анджэла Сколы накіраваў ад імя Пантыфіка кардынал Дзяржсакратар
Тарчызіо Бэртонэ. У ім адзначаецца важнасць веры ў жыцці сённяшняга маладога пакалення.
“Сустрэча з Езусам Хрыстом, які рэальна прысутнічае, з’яўляецца сілай, якая змяняе
асабістае жыццё і нараджае імкненне зрабіць гэта для іншых; яна з’яўляецца магутнай
сілай для грамадскай адновы”, - напісаў ад імя Папы кардынал Бэртонэ. “Таму, - адзначыў
ён, - вера маладых хрысціян з’яўляецца крыніцай надзеі для будучыні краін, у якіх
яны жывуць і навучаюцца”.
У лісце звяртаецца ўвага на прыметнік “каталіцкі”
у назве ўніверсітэта. Ён, паводле кардынала Джяржсакратара, падкрэслівае “кваліфікаваны
ўклад Касцёла ў адукацыю” і “асаблівую лучнасць з Пасадам св. Пятра”. Патрэбна штодзённая
праца ў школе Святога Духа, каб эфектыўна дзейнічаць у асяроддзі чалавека і спрыяць
яго сапраўднаму дабру, адзначаецца ў віншавальным лісце да выкладчыкаў і студэнтаў
Універсітэта Найсвяцейшага Сэрца ў Мілане.