“Песня хвалы” была напісана да 400-годдзя выдання першай друкаванай Бібліі. Канцэрт
у Ватыкане
Сённяшняя “L’Osservatore
Romano” прысвячае шэраг артыкулаў гісторыі музычнага твора Фелікса Мендэльсона Бартольдзі
“Песня хвалы”, які 20 красавіка ў ватыканскай Зале Паўла VI выканае лейпцыгскі аркестр
Гевандхаўса, пад кіраўніцтвам італьянскага дырыжора Рыкарда Шайі. Канцэрт адбудзецца
з нагоды 85-годдзя Бэнэдыкта XVI. “Osservatore” адзначае, што твор быў напісаны Мендэльсонам
ў 1840 г., на просьбеу гарадскіх уладаў Лейпцыга – горада друкароў, кніжных кірмашоў
і шматлікіх выдавецтваў. Нагодай для гэтага было святкаванне 400-годдзя выдання Іаганам
Гутэнбергам першай друкаванай кнігі. Пасля адкрыцця помніка першадрукару кульмінацыяй
свята павінен быў стаць канцэрт у касцёле св. Тамаша, спецыяльна для якога Мендэльсон
атрымаў заказ на напісанне музычнага твора.
“Мендэльсон хацеў напісаць кампазіцыю,
якая б грунтавалася на святых тэкстах, бо яго папрасілі аб гэтай працы з нагоды 400-годдзя
пачатку друкавання, а як вядома першай друкаванай кнігай была Біблія. Такім чынам,
ён вырашыў спыніцца на псальмах, адаптаваўшы іх да твору”, - расказаў у інтэрв’ю “L’Osservatore
Romano” дырыжор Рыкарда Шаій. Характэрызуючы сам твор, маэстра адзначыў, што “Песня
хвалы” з’яўляецца плёнам працы сталага, дасведчанага і незалежнага аўтара.