Ալեքսանդր Մանթաշեանց Եղած է Ու Կը Մնայ Բարերարութեան Խորհրդանիշը. (Կ՝ըսէ Նախարար Հրանոյշ Յակոբեան)։

Այս օրերուն Հայաստան կը գտնուին հայ մեծ բարերար Ալեքսանդր Մանթաշեանցի որդին` Ալեքսանդր Մանթաշեանց կրտսերը իր որդիի` Միքայէլ Մանթաշեւի հետ:

ՀՀ սփիւռքի նախարարութեան մէջ, լրագրողներու հետ հանդիպման ընթացքին, Սփիւռքի նախարար Հրանոյշ Յակոբեան յայտնի հայ բարերար Պօղոս Նուպար Փաշայի պատուին սահմանուած ՀՀ Սփիւռքի Նախարարութեան մետալով պարգեւատրեց 86-ամեայ Ալեքսանդր Մանթաշեանց կրտսերը:«Շատ զգացուած եմ եւ յոյս ունիմ, որ ասիկա պիտի միաւորէ բոլոր սփիւռքահայերը» (ըսաւ ֆրանսախօս Մանթաշեանց կրտսերը)։
Լեզուի տեսչութեան պետ Սերգօ Երիցեան ներկայացուց, որ Մանթաշեանց ունեցած է ութ զաւակ, որոնցմէ կենդանի են երկուքը, դուստրը` Տարիան եւ որդին` Ալեքսանդր Մանթաշեանցը: «Երկուսն էլ ապրում են Փարիզում: Տարիան 92 տարեկան է»,- տեղեկացուց Սերգօ Երիցեան:

Երրորդ անգամ Հայաստան այցելած մեծ բարերարին հարազատները նշեցին, որ արդէն տեսած են Ալեքսանդր Մանթաշեանցի արձանը եւ շատ հաւնած զայն: «Աբովեան փողոցում կ'ունենանք մի արձան, որը մարմնաւորում է բարութիւնը, բարերարութիւնը եւ գործարար մարդու հզօրութիւնը: Այն նաեւ ապագայի խորհրդանիշ է, օրինակ` բոլորի համար, ովքեր կարեւորում են բարերարութիւնը» (նշեց Սփիւռքի նախարար Հրանոյշ Յակոբեան):

Սփիւռքի նախարարը նաեւ շեշտեց, որ Ալեքսանդր Մանթաշեանց, հովանաւորելով շուրջ 200 ուսանող, մեծ աւանդ ունեցած է նաեւ Հայաստանի զարգացման համար, քանի որ այդ ուսանողները վերադարձած են Հայաստան:Հարցին, ի՞նչ մնացած է Մանթաշեանցի հարստութենէն` որդին համառօտ պատասխանեց, «Ոչինչ»: Սերգօ Երիցեան նշեց նաեւ, որ Մանթաշեանցները յառաջիկայ օրերուն պիտի մեկնին Վրաստանի մայրաքաղաք Թիֆլիս, ուր Ալեքսանդր Մանթաշեանց ՝՝պատուաւոր քաղաքացի՝՝ է:
Յիշեցնենք, որ մեծ բարերար Ալեքսանդր Մանթաշեանցի արձանին բացումը կատարուեցաւ 18 Ապրինին ժամը 17:00-ին: