Кардынал Бэртонэ: Бэнэдыкт ХVI – не самoтны і не ізаляваны
“Папа Бэнэдыкт ХVI
не “ізаляваны” у сваім служэнні; ён прабывае ў асяроддзі верных і працавітых людзей”,
- сказаў кардынал Дзяржсакратар Тарцызіо Бэртонэ у інтэрв’ю італьянскаму дзяржаўнаму
тэлебачанню “RAI” 19 красавіка. Іерарх са смуткам заўважыў часта негатыўнае стаўленне
да Папы з боку сучасных СМІ, аднак ён адзначыў, што журналісты “пачынаюць усё лепш
разумець Папу, яго мудрасць, культуру, шчырасць, паслядоўнасць. “Папа – гэта чалавек
настолькі добры і настолькі блізкі”, - сказаў кардынал Бэртонэ. Іерарх падкрэсліў,
што Святы Айцец заўсёды слухае сваіх супрацоўнікаў перад прыняццем рашэнняў. “Папа
з сапраўднай харызмай кіруе Касцёлам і клапоціцца аб канкрэтных праблемах Касцёла
і чалавецтва”, - паведаміў кардынал Дзяржсакратар.
Ён адзначыў, што прыярытэтам
дзейнасці Святога Айца не з’яўляюцца надзвычайныя сітуацыі ў свеце, але глабальны
прает хрысціянства, які Папа рэалізуе з самага пачатку свайго Пантыфікату – пераказ
хрысціянскай веры. Паводле найбліжэйшага супрацоўніка Святога Айца, Бэнэдыкт ХVI імкнецца,
каб Бог прысутнічаў у гэтым свеце і каб людзі прынялі і адкрыліся на Яго.