19 красавіка інтэрнэт-служба
Апостальскай Сталіцы зрабіла незвычайны падарунак на 7 гадавіну пантыфіката Бэнэдыкта
ХVI. На старонцы www.vatican.va стаў даступны да спампавання віджэт афіцыйнага сайту
Святога Пасаду, з дапамогай якога кожны карыстальнік хутка і дынамічна можа атрымоўваць
апошнія ватыканскія навіны: тэксты прамоў і аўдыё Святога Айца з агульных аўдыенцый,
нядзельных разважанняў перад “Анёл Панскі”, а таксама штодзённыя бюлетэні Залі Друку
Апостальскай Сталіцы. У раздзеле “Focus” на галоўнай старонцы www.vatican.va можна
напісаць паведамленне з просьбай выслаць спецыяльны код для змяшчэння на ўласнай або
карпаратыўнай старонцы віджэту “vatican.va”. Інтэрнэт-служба Святога Пасаду адзначае,
што віджэт стаў чарговым сродкам камунікацыі вернікаў са Святым Айцом і знакам імкнення
Касцёла “выкарыстоўваць сучасныя тэхнічныя магчымасці для распаўсюджвання слова Папы”.