Прэзідэнт Беларусі
Аляксандр Лукашэнка павіншаваў папу Бэнэдыкта XVI з сёмай гадавінай пачатку пантыфіката.
Аб гэтым паведамляе “БелТа” са спасылкай на прэс-службу кіраўніка дзяржавы. “Ваша
плённая дзейнасць, накіраваная на распаўсюджванне ідэалаў хрысціянства, умацаванне
агульначалавечых прынцыпаў справядлівасці, дабра і міласэрнасці ва ўсім свеце, з’яўляецца
найлепшым прыкладам самаадданага служэння людзям”, - гаворыцца ў віншаванні.
Аляксандр
Лукашэнка падзякаваў Святому Айцу за асабістую ўвагу да развіцця ўзаемадзеяння з Беларуссю
і добрыя адносіны да беларускай дзяржавы. Ён выказаў надзею на далейшае пашырэнне
супрацоўніцтва паміж Беларуссю і Святым Пасадам і пажадаў Папе здароўя і поспехаў
у выкананні адказнай апостальскай місіі.