Ստիլիանոս Պապադոպուլոսի ՜՜Վիրաւոր արծիւը՝՝- Ս Գրիգոր Աստուածաբան՝՝ Աշխատութեան
Հայերէն Թարգմանութիւնը։ Մայր Աթոռ Ս. Էջմիածնի Հրատարակչական բաժինը լոյս
ընծայած է ժամանակակից յոյն ուղղափառ աստուածաբան Ստիլիանոս Պապադոպուլոսի ՜՜Վիրաւոր
արծիւը՝՝- Ս Գրիգոր Աստուածաբան՝՝ աշխատութեան հայերէն թարգմանութիւնը։ Թարգմանութիւնը
յունարէնէն կատարած է Մարիաննա Ապրեսեան։ Գիրքը նուիրուած է Դ. դարու Ընդհանրական Եկեղեցւոյ
մեծ աստուածաբան Գրիգոր Նազիանզացիի կենսագրութեան։ Այս աշխատութիւնը բազմիցս հրատարակուած
է եւ իբրեւ կենսագրական պատմավէպ լայն տարածում ունի ժամանակակից ընթերցողներու շրջանի
մէջ։ Այս գիրքի կարեւորութիւնը հայ իրականութեան մէջ պայմանաւորուած է անով, որ Գրիգոր
Աստուածաբանը Հայ Եկեղեցւոյ տօնելի սուրբերէն է եւ Կապադովկեան միւս հայրերու հետ զգալի
ազդեցութիւն ունեցած է Հայ Եկեղեցւոյ աստուածաբանութեան ձեւաւորման եւ զարգացման գործին
մէջ։