Няма планаў візіту Папы ў Сербію ў 2013 г. Заява кс. Ламбардзі
Апостальская Сталіца
называе спекуляцыі аб магчымым падарожжы папы Бэнэдыкта XVI у Сербію ў наступным годзе
заўчаснымі. На цяперашні момант не існуе канкрэтнага плану замежных падарожжаў Пантыфіка
на 2013 г. Аб гэтым заявіў кіраўнік Залі Друку кс. Фэдэрыка Ламбардзі 17 красавіка
на прэс-канферэнцыі ў Рыме. Ён паведаміў, што існуе чаканне з бразільскага боку, што
Папа ў ліпені 2013 г. прыбудзе ў краіну, каб узяць удзел у Сусветных днях моладзі
ў Рыа дэ Жанейра. Прэс-канферэнцыя ў Ватыкане праходзіла з нагоды прэзентацыі буйнога
міжнароднага форума прысвечанага 1700-годдзю навяртання імператара Канстанціна, арганізатарам
якога выступіла Апостальская Сталіца. Паводле меркавання СМІ, Бэнэдыкт XVI мог прыняць
удзел у святкаваннях прысвечаных Канстанціну Вялікаму ў 2013 г. у сербскім Нішы, месцы
нараджэння імператара.