17-18 красавіка ў
Ватыкане праходзіць навуковая канферэнцыя, прымеркаваная да 400-годззя заснавання
Ватыканскага сакрэтнага архіва. У мерапрыемстве пад назвай “Religiosa Archivorum Custodia”
прымаюць удзел даследчыкі і навукоўцы з усяго свету. Кардынал Рафаэле Фарына, дырэктар
Ватыканскай Апостальскай Бібліятэкі, адзначыў, што мэта сустрэчы – пазнаёміць свет
навукі з дасягненнямі Ватыканскага архіва за апошняе 30-годдзе. Іерарх падкрэсліў,
што адбыліся значныя змены ў гэтай сферы дзейнасці Апостальскай Сталіцы, дзякуючы
новым набыткам і больш уважліваму даследаванню старажытных крыніц, напрыклад падзей
напалеонаўскага перыяду, ці дзейнасці Дзяржсакратарыяту ў сярэднявеччы.
Падчас
форума ўпершыню будуць прадстаўлены матэрыялы з новых фондаў, яшчэ часткова закрытых.
Гаворка ідзе пра архіў Папскай камісіі па сакральным мастацтве ў Італіі, якая была
заснавана ў 1924 г. і дзейнічала да 1988 г.”, - паведаміў кардынал Фарына. Акрамя
таго, як адзначыў іерарх, удзельнікі сустрэчы прысвецяць шмат увагі рэарганізацыі
архіваў на тэму ІІ Ватыканскага Сабора.