12 красавіка Заля
Друку Апостальскай Сталіцы паінфармавала, што 16-20 красавіка ў Ватыкане пройдзе Пленарная
сесія Папскай біблійнай камісіі. Яе ўзначаліць кардынал Уільям Левада, кіраўнік камісіі
і прэфект Кангрэгацыі Веравучэння. Працамі форума будзе кіраваць кс. Клеменс Сток,
езуіт, які з’яўляецца генеральным сакратаром гэтага органу Апостальскай Сталіцы. У
паведамленні Залі Друку адзначаецца, што падчас сустрэчы члены камісіі будуць працягваць
разважанні аб натхненні і праўдзе ў Бібліі. “На пачатку прац камісія засяродзіць сваю
ўвагу на вывучэнні таго, як тэма натхнення і праўды паказваецца ў розных творах Святога
Пісання. Кожны член камісіі, згодна са сваімі кампетэнцыямі, прадставіць даклад па
гэтым пытанні, які затым стане падставай для дыскусіі членаў асамблеі”, - адзначаецца
ў паведамленні Залі Друку.