Brazil: DBR-së do të paraprihet nga ‘Java e misioneve”.
“Java e misioneve” do t’i paraprijëDitës Botërore të Rinisë 2013, që
do të kremtohet në Rio-de-Zhanéjro të Brazilit, ndërmjet 23 e 28 korrikut,me
temë“Shkoni e bëni nxënës të mi të gjithë popujt”(Mt 28,19). Java
do të kremtohet në të gjithë Brazilin nga 17 deri më 20 korrik; objektivi, shpjegon
atë Jeffersone Goncalves, drejtor i veprimtarive, që i paraprijnë DBR-së, është t’u
ofrojë të rinjve mundësinë për të marrë pjesë në takimet kishtare, nismat e përshpirtërisë,
ngjarjet kulturore e misionare, së bashku me bashkësitë vendase. Të rinjtë e mbarë
botës do të jenë mysafirë të familjeve të vendit: në këtë mënyrë mund të hyjnë thellë
në jetën e tyre, ta studiojnë, ta kuptojnë e edhe të shkëmbejnë përvojën e familjeve
të tyre, me atë të familjeve mikpritëse. Është për t’u nënvizuar se “Java e
misioneve” do të zërë vendin e “Ditëve dioqezane” që zakonisht, në çdo DBR, i
paraprijnë ngjarjes së madhe. Vendimi për t’i shndërruar këto ditë në Javë misionare,
u mor nga kardinali Stanislao Rilko, kryetar i Këshillit Papnor për Laikët, dikaster
vatikanas, që organizon, që në zanafillë, Ditët Botërore të Rinisë. Kjo rrugë, sqaron
atë Goncalves, u zgjodh për t’u krijuar të rinjve mundësinë që të fitojnë përvojë
në apostullimin misionar. Ndërkaq, organizatorët e DBR-së së Rios, paraqitën një
aplikim falas per iPhone, iPod e iPad, të quajtur “Ec pas kryqit!”: program, që krijon
edhe mundësitë e lidhjes me social network, për ta ndjekur, kështu, hap pas hapi,
shtegtimin që po bëjnë në Brazil Kryqi e Ikona e Virgjërës Mari. Nga 18 shtatori,
të dyja simbolet e DBR-së, po përshkojnë tej e mbanë vendin, e edhe kombet e tjera,
si Argjentina, Uruguaj, Kili e Paraguaj.