“Езус з Назарэта” Бэнэдыкта XVI – упершыню як аўдыёкніга
Упершыню кніга Бэнэдыкта
XVI “Езус з Назарэта. Ад уваходу ў Ерузалем да ўваскрасення” выдадзена ў аўдыё-фармаце
на італьянскай мове. 17 красавіка ў Ватыкане адбудзецца прэзентацыя аўдыёкнігі, выхад
якой прымеркаваны да 85-годдзя Пантыфіка. Гэта сумесная праца ватыканскага выдавецтва
і “Emons:audiolibri”. Агучыў папскі опус адзін з самых вядомых італьянскіх актораў
тэатра і кіно Уга Пальяі.
Новая аўдыёкніга, як паведамляюць аўтары праекту,
гэта займальны і новы погляд на жыццё Езуса ад Пальмовай нядзелі да Яго ўваскрасення.
“Часу, які з’яўляецца вобразам жыцця кожнага чалавека. Бэнэдыкт XVI піша, грунтуючыся
на Святым Пісанні, вялікіх айцах хрысціянскай веры і тэалогіі, узбагачаючы ўсё гэта
асабістым досведам веры і духоўнасці”.
Уго Пальяі, які агучыў кнігу “Езус з
Назарэта” – гэта адзін з найвялікшых актораў італьянскай сцэны. Ён вядомы дзякуючы
сваім ролям у некалькіх тэлевізійных драмах 1970-х гадоў, заграным на вельмі высокім
узроўні і пакінуўшым глыбокі след у памяці людзей. З васьмідзесятых ён прысвяціў сябе
амаль выключна тэатру.
Аўдыёкніга “Езус з Назарэта. Ад уваходу ў Ерузалем да
ўваскрасення” у прачытанні Пальяі мае працягласць 9 г. 53 хв. і будзе каштаваць у
Італіі 19.90 еўра. Набыць яе можна з 11 красавіка.