Oqeani Indian: tërmet i fuqishëm në gjirin e Sumatrës; kufizohet alarmi i tsunamit.
Pas tre tërmeteve të fuqishme, që tronditën sot zonën e Aceh, në hapësirën detare
të ishullit Sumatra, në Indonezi, alarmi i tsunamit u dha në 28 vende, kryesisht në
Indonezi, Indi, Sri Lanka. Por frika e madhe, për fat të mirë, zgjati vetëm disa
orë. Pas lëkundjeve të fuqishme, të regjistruara pak kohë më parë në Oqeanin Indian,
në hapësirën detare rreth ishullit Sumatra, qendër kryesore e tsunamit në Paqësor,
Instituti Gjeologjik Amerikan (National weather service) dha njoftimin për përfundimin
e gjendjes së alarmit, duke pohuar se rreziku u kufizua ose përfundoi për shumicën
e zonave të lëkundura. Më pas gjendja e alarmit u qetësua edhe në Sri Lanka e në Maldive,
ndërsa në Indi, së pari u kufizua, më pas edhe përfundoi. Rreziku kaloi, komunikuan
autoritetet e Nju Delhit. Paniku e frika u përhapën në vende të ndryshme të Oqeanit
Indian, pas një lëkundjeje tërmeti prej 8.7 ballësh në ujërat 434 kilometra në jug-perëndim
të Banda Aceh, pasuar nga dy lëkundje të tjera, me të njëjtën forcë. Deti u tërhoq
rreth 10 metra nga ishulli indonezian Simeulue, pranë epiqendrës së tërmetit të Aceh,
shenjë kjo, tejet alarmante, që paralajmëronte rrezikun e tsunamit. Ndërsa u fol për
një valë 30 centimetra të lartë në afërsi të Aceh, qendra amerikane njoftoi se një
tsunam më i madh mund të jetë shuar përgjatë brigjeve. Si masë parandaluese, autoritetet
u bënë thirrje popullsive të brigjeve detare Andamane të ngjiten në zona të larta,
duke mbyllur edhe aeroportin e Phuket. Çaste paniku u jetuan edhe në Indi, posaçërisht
në Kolkata e Chennai, ku popullata doli e alarmuar nga banesat, për të mbushur, në
panik, rrugët. Në Sri Lanka u ndërpre rryma elektrike, ndërsa trenat u ndaluan,
për të shmangur rrezikun e aksidenteve të mundshme. Edhe në këtë zonë popullsia u
dynd drejt zonave të larta të vendit, ku nuk mund të arrijnë valët e mundshme shkatrrimtare
të detit të lëkundur nga shpërthimet vullkanore të thellësive. Tërmeti i sotëm ishte
pothuajse në të njëjtën thellësi me tërmetin e vitit 2004. Shumë banorë të kryeqytetit
Kolombo, vijojnë të enden rrugëve, nga frika e lëkundjeve të reja. Tërmetet
më të fuqishëm në botë Në se vlerësimet fillestare konfirmohen, tërmeti i sotëm
prej 8.6 ballësh, në Indonezi, do të jetë një nga më të mëdhenjtë e regjistruar ndonjëherë.
10
tërmetet më të mëdhenj sipas Institutit Gjeologjik Amerikan, janë 1. 1960 - Kili
- M 9.5 2. 1964 - Prince William Sound, Alaska - M 9.2 3. 2004 – Pranë Bregut
Perendimor në Sumatrën Veriore - M 9.1 4. 2011 – Pranë Bregut Lindor të Honshut,
Japoni - M 9.0 5. 1952 - Kamchatka - M 9.0 6. 2010 - Maule, Kili - M 8.8 7.
1906 - Ekuador - M 8.8 8. 1965 – Ishujt Rat, Alaska - M 8.7 9. 2005 – Sumatra
Veriore, Indonezi - M 8.6 10. 1950 - Assam - Tibet - M 8.6 11. 1957 – Ishujt
Andreanof, Alaska - M 8.6