Хрысціяне пад пагрозай знікнення на Блізкім Усходзе
Надзеі на тое, што
“арабская вясна” прывядзе да паляпшэння становішча хрысціянскіх цэркваў у краінах
Блізкага Усходу і Паўночнай Афрыкі, не апраўдаліся. Больш за тое, пераслед хрысціян
ўзмацніўся і ўпершыню за апошнія 2000 гадоў паўстала рэальная пагроза знікнення ў
гэтым гіганцкім рэгіёне цэркваў, якія стаялі ля вытокаў хрысціянства. З такім папярэджаннем
выступіў брытанскі штотыднёвік “Spectator”.
“Яшчэ 100 гадоў таму хрысціяне
складалі 20% насельніцтва арабскіх краін, у цяперашні час – каля 5%”, - піша выданне.
Ганенні на іх адбываюцца цяпер у Тунісе, Егіпце, Ліване, Сірыі, у палестынскай аўтаноміі.
Так, калі ўзброеная апазіцыя захапіла ў пачатку цяперашняй вясны ў Сірыі частку горада
Хомс, то неадкладна пачаліся пераследы прадстаўнікоў хрысціян. У выніку 50 тыс. з
іх былі вымушаны бегчы з горада. Тры дзесяцігоддзі таму ў горадзе Бэтлеем хрысціяне
складалі каля 70% насельніцтва. Цяпер іх колькасць скарацілася да 10%, паведамляе
“Spectator”.
У выніку цяперашняй сітуацыі найстаражытнейшыя хрысціянскія цэрквы
апынуліся на мяжы знікнення ў арабскіх краінах Блізкага Усходу і Паўночнай Афрыкі,
заключае штотыднёвік.