Кс. Юрый Санько: Касцёл і дзяржава дзейнічаюць дзеля згоды паміж людзьмі, але выкарыстоўваюць розныя шляхі

Кс. Юрый Санько, адказны за СМІ пры сакратарыяце Канферэнцыі Каталіцкіх Біскупаў у Беларусі, у інтэрв'ю нашай праграме, выказаў меркаванне на конт ролі і мэтаў дзейнасці Каталіцкага Касцёла ў краіне. Святар адзначыў, што Касцёл і дзяржава дзейнічаюць дзеля згоды паміж людзьмі, але выкарыстоўваюць розныя шляхі. Прэрагатывай Касцёла, паводле святара, з’яўляецца вырашэнне праблем у духоўнай сферы. Святар адзначыў, таксама, што Касцёл выказвае сваё маральнае меркаванне па тых, ці іншых пытаннях, але не ўмешваецца ў вырашэнне выключна палітычных праблем.