Сотні людзей прыйшлі
ўчора ў архікатэдральны касцёл Імя Найсвяцейшай Панны Марыі ў Мінску. Тут, па традыцыі,
літургію Пасхальнай Вігіліі ўзначаліў Мітрапаліт Мінска-Магілёўскі арцыбіскуп Тадэвуш
Кандрусевіч. Літургія святла – абрад асаблівы. Мітрапаліт запаліў Пасхал – вялікую
велікодную свечку, ад якой запалымнелі потым свечкі вернікаў. Урачыстасць сімвалізуе
перамогу святла над цемрай і жыцця над смерцю. У гэтым – сэнс Пасхі, а таксама – сутнасць
усяго хрысціянства. Уваскрасенне Хрыста – галоўнае свята – аб гэтым ведаюць усе –
і дарослыя, і нават дзеці.
Сёння раніцай – на світанні – па вуліцах Мінска
прайшла святочная рэзурэкцыйная працэсія. Такія ж адбыліся ў шматлікіх гарадах і вёсках.
Увогуле, католікі Беларусі святкуюць Пасху, як і ва ўсім свеце – таксама з нецярпеннем
чакаюць і рыхтуюцца, сустракаюць – з той жа радасцю. Хіба што адрозненне ў тым, што
першую Пасху святкаваў з беларусамі арцыбіскуп Клаўдыё Гуджэроцці, Апостальсскі нунцый
у Беларусі, першай Пасха стала для толькі што пабудаванай капліцы Божага Цела ў Мінску.
А віталі людзі адзін аднаго – Хрыстус Уваскрос! Сапраўды Уваскрос! – па-беларуску.
Яны гучаць у гэтыя дні ва ўнісон з такімі ж словамі – толькі на дзесятках розных моў
на ўсёй планеце.