Урад ЗША занепакоены станам рэлігійнай свабоды ў свеце
Камісія па рэлігійнай
свабодзе ў свеце пры ўрадзе ЗША апублікавала штогадовы даклад. Дакумент змяшчае падрабязную
інфармацыю аб краінах, дзе рэлігійная свабода знаходзілася пад пагрозай. Даследаванне
праводзілася з красавіка 2011 г. па люты 2012 г. На самым пачатку аўтары крытыкуюць
кіраўніцтва ЗША за зніжэнне актыўнасці ў забеспячэнні рэлігійнай свабоды ў свеце.
Яны звяртаюць увагу перш за ўсё на дзве краіны, дзе існуе “вялікая рызыка” для рэлігійнай
свабоды: Саўдаўскую Аравію і Узбекістан.
У даследаванні аналізуюцца вынікі
“арабскай вясны” у Егіпце і сцвярджаецца, што яна паўплывала да пагаршэння сітуацыі
са свабодай вызнання веры. Прыводзяцца прыклады шматлікіх нападаў на хрысціянскія
храмы і адсутнасць рэакцыі з боку егіпецкіх уладаў.
Аўтары звяртаюць увагу
на небяспечную сітуацыю ў Нігерыі, дзе хрысціяне становяцца мэтай нападаў экстрэмісцкай
ісламскай групоўкі “Бока Харам”. Паводле дакладу, з 1999 г. больш за 14 тыс. нігерыйцаў
былі забіты ў міжрэлігійных канфліктах.
Камісія абвінаваціла ўрад Пакістана
ў прыхільным стаўленні да “сістэматычнага парушэння рэлігійнай свабоды ў краіне”.
Асобная частка справаздачы прысвечана хрысціянскай моладзі ў Пакістане, якая знаходзіцца
пад пагрозай выкрадання і пераследу. Паводле звестак неўрадавых каталіцкіх арганізацый,
кожны год у краіне выкрадаюцца больш за 700 дзяўчат для прымусовых шлюбаў і звязанага
з гэтым прымусовага прыняцця ісламу, падкрэсліваецца ў дакладзе Камісіі па рэлігійнай
свабодзе пры ўрадзе ЗША.