Пакістан: падручнікі сеюць пагарду і нецярпімасць да іншых рэлігій
Школьныя падручнікі
ў Пакістане спрыяюць ісламскаму рэлігійнаму фанатызму, дыскрымінацыі меншасцяў і правакаванню
міжрэлігійных канфліктаў. Аб гэтым паведамілі каталіцкія актывісты Нацыянальнай камісіі
“Справядлівасць і мір”, даючы ацэнку стану адукацыі ў краіне. У дакладзе камісіі ўтрымліваецца
заклік з боку Каталіцкага Касцёла перагледзець навучальныя праграмы ў Пакістане, каб
хрысціяне, паслядоўнікі індуізму, сікхізму і іншых рэлігійных меншасцяў, мелі магчымасць
паглыбляць свае веды аб рэлігіі, бо зараз яны вымушаны навучацца асновам ісламу.
У
дакладзе адзначаецца, што тысячы немусульманскіх навучэнцаў “прымушаюцца” да вывучэння
элементаў ісламу, і робяць гэта з-за страху перад дыскрымінацыяй. У Пенджабе, напрыклад,
мясцовы парламент “аднагалосна” зацвердзіў абавязак вывучэння Карана, а немусульманам
“не было прапанавана адпаведнай альтэрнатывы”. Акрамя таго, у такіх галінах, як сацыяльныя
навукі і мовы 20% зместу падручнікаў звязана з ісламам. Да таго ж, студэнты немусульмане
не атрымліваюць дадатковы бонус у 20 пунктаў.
Камісія “Справядлівасць і мір”,
даклад якой цытуе “AsiaNews”, сцвярджае, што “адукацыя і адукацыйная палітыка ў Пакістане”,
адна з тых абласцей, дзе найбольш праяўляюцца выпадкі рэлігійнай дыскрымінацыі і парушэння
асноўных правоў чалавека.