Бэнэдыкт XVI падчас св. Імшы Хрызмы: ці непаслухмянасць – гэта сапраўды шлях Касцёла?
“Ці з’яўляецца непаслухмянасць
шляхам аднаўлення Касцёла?”, - з такім пытаннем звярнуўся Бэнэдыкт XVI да ўдзельнікаў
св. Імшы Хрызмы ў базыліцы св. Пятра. Ён узначаліў літургію 5 красавіка раніцай, у
якой прынялі ўдзел шматлікія іерархі і святары. У сваёй гаміліі Святы Айцец звярнуў
увагу на пагрозу сапраўднаму выкананню місіі Касцёла, якая ўзнікае з прычыны непаслухмянасці
святароў. Пантыфік адзначыў, што ўмовай для абнаўлення Касцёла з’яўляецца “упадабленне
Хрысту, які не пануе, але служыць, не бярэ, але дае”. Бэнэдыкт XVI узгадаў аб ініцыятыве
групы святароў, якія ў чэрвені 2011 г. апублікавалі “заклік да непаслухмянасці”. У
ім яны заахвоцілі да ігнаравання некаторых важных прынцыпаў каталіцкага навучання,
такія як цэлібат, забарону на святарскія пасвячэнні жанчын ці ўдзяленне св. Камуніі
разведзенным асобам, якія паўторна ажаніліся.
“Ці непаслухмянасць – гэта сапраўды
шлях? Ці ёсць у ёй нешта падобнае на наследаванне Хрыста, які з’яўляецца ўмовай сапраўднага
аднаўлення? Ці гэта толькі адчайнае імкненне рабіць нешта, змяняць Касцёл паводле
нашых жаданняў і задумаў?”, - спытаў Святы Айцец.
Бэнэдыкт XVI нагадаў аб паслухмянасці
Хрыста волі Бога, якая рэалізавалася пра крыж і пакуты. Пантыфік падкрэсліў, што абнаўленне
патрабуе радасці веры, радыкальнай паслухмянасці, дынамікі надзеі і любові. Акрамя
таго, Святы Айцец заклікаў углядацца ў прыклад святых, “які паказваюць, што Бог не
глядзіць на вялікія лічбы і на ўнутраныя поспехі, але выяўляе сваю перамогу ў пакорным
знаку зярнятка гарчыцы”.
Папа заахвоціў іерархаў і святароў, ва ўмовах пануючай
“рэлігійнай неадукаванасці”, карыстацца ў сваім служэнні навучаннем Касцёла і асабліва
багатай спадчынай бл. Яна Паўла ІІ, абвяшчаць Хрыста, а не саміх сябе, клапаціцца
не толькі аб матэрыяльных патрэбах людзей, але перш за ўсё духоўных.