WBA-ի աշխարհի նախկին ախոյեան Արթուր Աբրահամ պարտութեան մատնեց Եւրոպայի ախոյեան Փիթըր
Վիլշեւսքին: Այս ճակատումը կայացաւ ակնկալուածէն շատ աւելի «տաք» մթնոլորտի մէջ, մանաւանդ
որ լեհ կռփամարտիկը շատ վարպետօրէն կը խուսափէր Արթուր Աբրահամի հարուածներէն: Սակայն
12րդ ռաունտէն ետք, իրաւարարները յաղթանակը շնորհեցին Աբրահամին՝ 118-109, 118-109 եւ
119-108 արդիւնքով: Այսպիսով, Աբրահամ հանդիսացաւ WBO-ի Եւրոպայի ախոյեան: «Սա ինձ
համար, իսկապէս, ծանր մենամարտ էր: Սակայն, ինձ հարկաւոր են նման մարտեր, քանի որ, ամենայն
հաւանականութեամբ, իմ յաջորդ մենամարտը կարող է լինել աշխարհի չեմպիոնի կոչման համար»,
ըսած է Աբրահամ՝ գերմանական պատկերասփիւռի կայանի մը տուած հարցազրոյցին ընթացքին: Աբրահամ
նաեւ շնորհակալութիւն յայտնեց իր համակիրներուն՝ անոնց աջակցութեան համար։