Բրիտանական BBC-ին Հնդկաստանի Կալկաթա քաղաքի մէջ բնակող հայերու մասին իւրօրինակ լուսանկարներու
շարք մը պատրաստած է: Ինչպէս կը նշէ լրատուամիջոցը` Կալկաթայի Հայերը կը համարուին
ամենասակաւաթիւ ազգային փոքրամասնութիւններէն մէկը: Տասնամեակներ առաջ անոնք հարուստ
եւ ազդեցիկ մարդիկ եղած են, սակայն երթալով անոնց թիւը կը պակսի: Կը նշուի, որ Կալկաթայի
մէջ կը բնակին շուրջ 200 հայեր , որոնցմէ շատերը երբեք Հայաստան չեն այցելած: Հակառակ
անոր որ հայերու մեծ մասն ամուսնացած է այլ ազգերու ներկայացուցիչներու հետ, այնուհանդերձ
անոնք պահպանած են իրենց կրօնական եւ ազգային ինքնութիւնը: Անդրադառնալով կրթական
համակարգին, կը նշուի որ հնդկական քաղաքի մէջ կը գործէ Հայկական Քոլէճ եւ Մարդասիրական
Ակադեմիա, ուր հայերէն բացի կ’ուսանին նաեւ այլազգի երեխաներ: Հայերը Կալկաթա հասած
են 1600-ականներուն, աւելի վաղ քան բրիտանացիները: Անոնցմէ շատերը եղած են հարուստ վաճառականներ,
որոնք կառուցած են ածխահանքեր, հիւրանոցներ: Կալկաթայի մէջ առաջին Հայկական Եկեղեցին`
Սուրբ Նազարէթը, կառուցուած է 1707-ին եւ կը նկատուի քաղաքի ամենահին եկեղեցին: Անդրադառնալով
հարուստ հայերուն, BBC-ն կը նշէ, որ ազդեցիկ հայերը այլեւս միայն մարդոց յիշողութիւններուն
մէջ կան: Կը նշուի, որ ծագումով Ճուլֆայէն Չարլզ Սարգիսը, որ մահացած է անցեալ տարի,
Հայկական Քոլէճի «ամենահին շրջանաւարտն է»: Ամփոփելով լուսանկարներու շարքը, լրատուամիջոցը
BBC կը գրէ.«Կալկաթայի երիտասարդ հայերը թէեւ կ’ապրին իրենց համայնքի աւանդոյթներով,
այնուամենայնիւ անոնք նաեւ հնդկական մշակոյթի ազդեցութեան տակ կը մնան »: