Кс. Ламбардзі паведаміў
аб цікавай акалічнасці прабывання Бэнэдыкта ХVI у Санц’яга дэ Куба. Пасля св. Імшы
27 сакавіка раніцай у капліцы семінарыі св. Базыля Вялікага, на якой прысутнічала
20 сясцёр кантэмлятыўнай галіны Кангрэгацыі Місіянерак Міласэрнасці Маці Тэрэзы з
Калькуты, Святы Айцец сустрэўся з індыйскай законніцай сястрой Тэрэзай Кэрэкэта. Падчас
складання вечных шлюбаў малітвам кожнай з сясцёр кангрэгацыі даручаецца адзін канкрэтны
святар. 20 гадоў таму для сястры Тэрэзы Кэрэкэта такім святаром стаў Ёзэф Ратцынгер,
які ў той час з’яўляўся прэфектам Кангрэгацыі Веравучэння.
Як паведаміў кс.
Ламбардзі, “гэта навіна вельмі ўразіла Бэнэдыкта ХVI. Святы Айцец быў узрушаны гэтым”.
Паводле індыйскай традыцыі законніца ўручыла Папе вянок з кветак, як пацвярджэнне
сваёй “місіі”.
Трэба адзначыць, што сёстры з кангрэгацыі Місіянерак Міласэрнасці
Маці Тэрэзы з Калькуты прыбылі на Кубу на асабістае запрашэнне Фідэля Кастра.