Me 400.000 banorë, shtrihet në një port natyror, në bregun jug-lindor të ishullit.
Është qyteti i dytë i vendit e rivali i Havanës, me një jetë letrare, muzikore e politike
plot gjallëri. I themeluar në vitin 1514 nga Diego Velásquez, nga vitet 1515-1607
qe kryeqytet i Kubës. Ka një histori shumë të pasur kulturore, që nis me ndërtimin
e katedrales së Nuestra Señora de la Asunción (Zoja e Ngjitur në Qiell), më 1520
dhe me formimin e një kori në këtë shenjtërore. Mjeshtër kapele i Katedrales, qe kompozitori
i famshëm Estéban Salas, i cili shkroi shumë këngë të mirënjohura Krishtlindjeje e
vepra të tjera korale, që mbeten edhe sot e kësaj dite më të bukurat e asaj periudhe.
Ndërmjet kishave të shumta të qytetit, kujtojmë Kishën e Zojës Karmë (shek. XVIII);
Kishën e Shën Françeskut; të Shën Tomës (shek XVIII), të të Shenjtnueshmes Trini,
etj. Santiago njihet edhe si qytet heroik, sepse qe teatër i kryengritjes në vitin
1959. Që aty u shpall përfundimi me sukses i revolucionit. Së fundi, provinca
e Santiagos është atdheu i ‘son’(valle, që i parapriu asaj, me emrin ‘salsa’) dhe
të famshmit ‘rum’, që vendasit e quajnë ‘ron’.