Հարաւային Կովկասի Սուրբ Աթոռի Առաքելական Նուիրակը՝ Արքեպիսկոպոս Մարեկ Սոլչինսկի Նախագահ Սերժ Սարգսեանին յանձնեց իր Հաւատարմագրերը :

Նախագահ Սերժ Սարգսեանին 21 Մարտին յանձնեց իր Հավատարմագրերը Հարաւային Կովկասի Սուրբ Աթոռի Առաքելական Նուիրակ Արքեպիսկոպոս Մարեկ Սոլչինսկի-ն:

Նախագահը շնորհաւորեց Սուրբ Աթոռի Առաքելական Նուիրակը , իր պաշտօնը ստանձնելու առիթով, եւ յայտնեց իր համոզումը թէ Արքեպիսկոպոսը իր գործունէութեամբ կը նպաստէ Հայաստանի ու Վատիկանի միջև յարաբերութիւններու առաւել խորացման ու ամրապնդման պատուաբեր գործին, որը մեծ նուիրումով մինչև այժմ իրականացուցած էր իր նախորդը՝ Նուիրակ Գլաուտիօ Կուճէրոթթի-ն ։

Սերժ Սարգսեանը յատկապէս ընդգծեց Վատիկանի դերը ոչ միայն քրիստոնէական աշխարհի համախմբման գործով, այլ նաեւ ամբողջ աշխարհի մարդոց իրաւունքներու, հանդուրժողականութեան, եւ խաղաղութեան պահպանման հարցերով :

Հանրապետութեան ղեկավարը շնորհակալութիւն յայտնեց Վատիկանին՝ 2000թ. Հայոց Ցեղասպանութեան ճանաչման համար, ընդգծելով, որ այդպիսով Սուրբ Աթոռը իր ներդրումը ունեցաւ յետագային մարդկութեան դէմ նման յանցագործութիւններու կանխարգելման ի խնդիր :

Սերժ Սարգսեանը բարձր գնահատեց նաեւ ՀՀ սահմաններէն դուրս հայկական Յուշարձաններու ու Խաչքարերու պահպանման խնդրին մէջ Սուրբ Աթոռի դիրքորոշումը, յայտնելով երախտագիտութիւն այդ հարցի նկատմամբ աջակցութեան համար:

Հանդիպման ընթացքին երկուստեք գոհունակութեամբ ընդգծած են որ բարձր մակարդակի վրայ է նաև Մայր Աթոռ Սուրբ Էջմիածնի և Սուրբ Աթոռի միջև երկխօսութիւնը։
Նախագահը հաճոյքով վերյիշած է անցեալ տարուայ դեկտեմբերին Վատիկանի մէջ, Նորին Սրբութիւն Հռոմի Պապ Պենեդիկտոս XVI-ի հետ ունեցած իր ջերմ, հետաքրքրական և արդիւնաւէտ հանդիպումը:

Հայաստանի Հանրապետութեան Ղեկավարը և Սուրբ Աթոռի Առաքելական Նուիրակը երկուստեք ընդգծեցին որ երկկողմանի պատմական կապերը, մշակութային հարուստ ու նաեւ համագործակցութեան հոգեւոր ժառանգութիւնը յետագայ զարգացման համար ըլլան նախադրեալներ, հանդիսանալով ամուր հիմքեր ։