Славенія: рэферэндум аб роўных правах аднаполых пар з сужэнствамі
25 сакавіка жыхары
Славеніі прымуць удзел у рэферэндуме аб законе, які гарантуе аднаполым парам роўныя
правы з сужэнствамі, а таксама дазваляе прадстаўнікам сексуальных меншасцяў усынаўленне
дзяцей. Закон быў прыняты славенкім парламентам яшчэ ў чэрвені мінулага года. Аднак,
Славенская грамадзянская ініцыятыва абароны сям’і і правоў дзіцяці ініцыявала рэферэндум
з мэтай адмены закона. Гэту ініцыятыву падтрымаў таксама Каталіцкі Касцёл. Праціўнікамі
правядзення ўсенароднага галасавання стаў сацыял-дэмакратычны ўрад краіны, які акрэсліў
ініцыятыву як “недэмакратычную і неталерантную”, аднак Канстытуцыйны Суд пацвердзіў
права абаронцаў сям’і да рэферэндуму. На думку апошніх, каля 70% жыхароў Славеніі
прагаласуюць супраць дадзенага закона.