21 നവംമ്പര് 2012, അയര്ലണ്ട് അയര്ലണ്ടിലെ സഭയ്ക്ക് വത്തിക്കാന് നല്കിയ ശാസനം നവീകരണത്തിനുള്ള
മാര്ഗ്ഗരേഖയാണെന്ന്, ദേശീയ മെത്രാന് സമിതിയുടെ പ്രസിഡന്റ്, ആര്ച്ചുബിഷപ്പ് ഡെര്മ്യൂഡ്
മാര്ട്ടിന് പ്രസ്താവിച്ചു. വൈദികര് ഉള്പ്പെട്ട കുട്ടികളുടെ ലൈംഗിക പീഡനകേസുകള് വിശദമായി
അന്വേഷിച്ചു പഠിച്ചതിനുശേഷമാണ് മാര്ച്ച് 20-ന് റിപ്പോര്ട്ടിന്റെ സംക്ഷിപ്തരൂപവും മാര്ഗ്ഗരേഖയും
വത്തിക്കാന് സംഘം പുറത്തിറക്കിയത്. ബനഡിക്ട് 16-ാമന് മാര്പാപ്പയുടെ അനുമതിയോടെയുള്ള
ഔദ്യോഗിക അന്വേഷണങ്ങളുടേയും കണ്ടുപിടുത്തങ്ങളുടേയും ഫലമായി പുറത്തിറക്കിയ മാര്ഗ്ഗരേഖകള്
ഏറെ അജപാലന സ്വഭാവമുള്ളതും നവീകരണത്തിനുള്ള മാര്ഗ്ഗരേഖയുമാണെന്ന് ഡബ്ളിന് അതിരൂപതാദ്ധ്യക്ഷന്
കൂടിയായ ആര്ച്ചുബിഷപ്പ് ഡെര്മ്യൂഡ് മാര്ട്ടിന് അഭിമുഖത്തില് പങ്കുവച്ചു. മാര്ച്ച്
20-ാം തിയതി മെയ്നൂത്തിലെ സെന്റ് പാട്രിക്ക് കേന്ദ്രത്തില്വച്ചാണ് കുട്ടികളുടെ ലൈംഗിക
പീഡനകേസുകളുടെ അന്വേഷണ റിപ്പോര്ട്ടിന്റെ സംഗ്രഹം സഭാവൃത്തങ്ങള് പ്രസിദ്ധീകരിച്ചത്.