Брусэль: пасяджэнне Камісіі епіскапатаў краін Еўрасаюза
Выбар новага старшыні
і чатырох віцэ-старшынь, хуткае старэнне кантынента і міжнародная салідарнасць – гэта
галоўныя пытанні, якія разгледзяць удзельнікі вясенняй пленарнай сустрэчы Камісіі
епіскапатаў краін Еўрапейскага Саюза (COMECE). У форуме, які пачнецца 21 сакавіка
ў Брусэлі прымуць удзел 23 біскупы. Яны пазнаёмяцца са справаздачамі цяперашняга старшыні
Камісіі біскупа Адрыяна ван Луйна, генеральнага сакратара кс. Пятра Мазуркевіча і
прадстаўнікоў шэрагу біскупскіх канферэнцый. Іерархі праслухаюць таксама лекцыю на
тэму “Салідарнасць, як прынцып Еўрапейскага Саюза”, якую прачытае былы генаральны
дырэктар Міжнароднага валютнага фонда Мішэль Камдэсю.
У наступныя дні біскупы
абмяркуюць тры тэмы: годнасць асоб сталага ўзросту і міжнародная салідарнасць, дзейнасць
Савета Еўропы, а таксама пазнаёмяцца з ініцыятывамі сакратарыята Камісіі епіскапатаў
краін Еўрапейскага Саюза. 23 сакавіка адбудуцца выбары новага старшыні і чатырох віцэ-старшынь
Камісіі. Пасля гэтага біскупы прымуць удзел у прэс-канферэнцыі.
Камісія епіскапатаў
краін Еўрапейскага Саюза была створана 3 сакавіка 1980 г. У яе ўваходзяць каталіцкія
іерархі з краін-членаў супольнасці. Харватыя, якая яшчэ не з’яўляецца членам Еўрасаюза,
у Камісіі мае статус назіральніка.